کاغذاتِ نامزدگی کل سے جمع ہوں گے، الیکشن کمیشن

 اسلام آباد: الیکشن کمیشن نے عام انتخابات میں حصہ لینے والے امیدواروں کے کاغذاتِ نامزدگی کل سے جمع کرنے کا اعلان کردیا ہے۔

ایکسپریس نیوز کے مطابق الیکشن کمیشن نے نیا ترمیم شدہ انتخابی شیڈول جاری کردیا ہے جس کے مطابق عام انتخابات میں حصہ لینے والے امیدوار اپنے کاغذاتِ نامزدگی کل پیر سے 9 جون تک جمع کراسکیں گے۔ الیکشن کمیشن نے کاغذات نامزدگی کل سے ہی وصول کرنے کا بھی فیصلہ کیا ہے۔ لاہور ہائیکورٹ کے فیصلے کی وجہ سے انتخابی عمل دو روز تک تاخیر کا شکار رہا اور یہ دو دن آگے ایڈجسٹ کئے جائیں گے۔ الیکشن کمیشن نے اسکروٹنی کا عمل 10 سے 14 جون تک اور باقی تمام شیڈول سابقہ حالت میں ہی برقرار رکھنے کی تجویز ہے۔

واضح رہے کہ لاہور ہائیکورٹ نے الیکشن کے کاغذات نامزدگی کالعدم قرار دے دیے تھے۔ الیکشن کمیشن اور اسپیکر اسمبلی ایاز صادق نے لاہور ہائیکورٹ کے فیصلے کے خلاف سپریم کورٹ میں اپیل دائر کی۔

اس خبرکوبھی پڑھیں: کاغذات نامزدگی کالعدم قرار دینے کا فیصلہ معطل

سپریم کورٹ نے آج ہی اپیل منظور کرتے ہوئے لاہور ہائی کورٹ کے فیصلے کو کالعدم قرار دیتے ہوئے پارلیمنٹ کے تیار کردہ فارم پر ہی کاغذاتِ نامزدگی جمع کرانے کا حکم جاری کردیا۔ سپریم کورٹ سے اپیل منظور ہونے کے بعد الیکشن کمیشن چھٹی کے دن بھی متحرک نظر آیا اور انتخابی شیڈول میں ترمیم کا کام شروع کر دیا۔

The post کاغذاتِ نامزدگی کل سے جمع ہوں گے، الیکشن کمیشن appeared first on ایکسپریس اردو.

from ایکسپریس اردو https://ift.tt/2kLfcC4