زبیدہ آپا کے انتقال پر سیاسی رہنماؤں کی جانب سے اظہار تعزیت

کراچی: امور خانہ داری کی ماہر ہردلعزیز کوکنگ ایکسپرٹ زبیدہ آپا کے انتقال پر سیاسی رہنماؤں کی جانب سے گہرے دکھ کا اظہار کیا گیا ہے۔

ماہر امورخانہ داری زبیدہ طارق المعروف زبیدہ آپاگزشتہ روز کراچی میں حرکت قلب بند ہونے کے باعث انتقال کرگئں۔ زبیدہ آپا کے انتقال کے بعد سیاسی رہنماؤں کی جانب سے تعزیت کا سلسلہ جاری ہے۔ چیئرمین پاکستان پیپلز پارٹی بلاول بھٹو زرداری کی طرف سے معروف کوکنگ ایکسپرٹ زبیدہ آپا کے انتقال پر دکھ اور افسوس کا اظہارکیا گیا ہے۔ مرحومہ کی روح کےلئے بلند درجات کے لئے دعا اورغمزدہ خاندان سے تعزیت کرتے ہوئے بلاول بھٹو کا کہنا تھا کہ زبیدہ آپا کئی خواتین کے لئے رول ماڈل خاتون خانہ تھیں۔ پاک سر زمین پارٹی کے چیئرمین سید مصطفیٰ کمال نے ملک کی معروف سماجی شخصیت زبیدہ آپا کے انتقال پر افسوس کا اظہارکرتے ہوئے مرحومہ کی مغفرت، درجات کی بلندی اور ان کے بھائی انور مقصود سمیت تمام سوگوار لواحقین کے لئے صبر جمیل کی دعا کی۔

اس خبرکوبھی پڑھیں:  زبیدہ آپا انتقال کرگئیں

پاکستان تحریک انصاف کے مرکزی رہنماء لیاقت علی جتوئی کی مشہور ادبی خاندان سے تعلق رکھنے والی مشہور و معروف زبیدہ آپا کے انتقال پر افسوس کا اظہارکرتےہوئے کہا دکھ کی اس گھڑی میں لواحقین کے ساتھ ہیں، ہم زبیدہ آپا کی خدمات کو خراج تحسین پیش کرتے ہیں۔ اللہ پاک مرحومہ کی مغفرت اور درجات بلند فرمائے اور لواحقین کو صبر جمیل عطا فرمائے۔ اے این پی سندھ کے صدر سینیٹر شاہی سید نے زبیدہ آپا کے انتقال پر افسوس کا اظہارکیا اور کہا اللہ تعالی مرحومہ کے درجات بلند کرے اور زبیدہ آپا کے اہلخانہ کو صبر عطا فرمائے۔

اس خبرکوبھی پڑھیں: زبیدہ آپا کے انتقال پراداکاروں کا اظہار افسوس

ایم کیوایم پاکستان کے سربراہ فاروق ستار نے زبیدہ آپا کے انتقال پرتعزیت کرتے ہوئے کہا کہ اللہ ان کے گھر والوں کو صبرو جمیل عطا فرمائے۔ زبیدہ آپا کا جانا ہم سب کے لئے بہت بڑا نقصان ہے۔

Deeply grieved to hear the sad demise of #ZubaidaApa.
Offer my condolence to the bereaved family.
May her soul rest in peace.
It's a big loss.

— Dr Farooq Sattar (@DFSMQM) January 4, 2018

پی ٹی آئی کے رکن بابر اعوان نے زبیدہ آپا کے بھائی انور مقصود اور ان کے گھروالوں کو صبر کرنے کی تلقین کی اور کہا اللہ انہیں مغفرت عطا کرے۔

Saddened to learn about Zubaida Apa's death. My deepest condolences to her brother Anwar Maqsood and her family. May Allah bless the departed soul

— Babar Awan (@BabarAwanPK) January 4, 2018

وزیراعلیٰ پنجاب شہباز شریف نے بھی ٹوئٹ کرتے ہوئے کہا کہ زبیدہ آپا بہترین شیف ہونے کے ساتھ بہت اچھی انسان بھی تھیں۔ انہوں نے زبیدہ آپا کی خدمات کے لیے شکریہ بھی اداکیا اوردعا کی کہ خدا ان کے گھروالوں کو صبرعطا کرےاور ان کی مغفرت کرے۔

Deeply saddened by the news of passing away of renowned chef & a great human being Zubaida Apa. She was a household name, thanks to her amazing expertise in cooking. May Allah Almighty bless her soul in peace and grant patience to her family!

— Shehbaz Sharif (@CMShehbaz) January 4, 2018

میئر کراچی وسیم اخترنے زبیدہ آپا کے انتقال پر اظہار افسوس کیا  اور کہا یہ خبر سن کر انہیں بے حد افسوس ہوا۔ اللہ انہیں اپنی جوار رحمت میں جگہ دے آمین۔

Deeply grieved over the sad demise of Zubaida Apa, may Allah grant eternal peace to the departed soul, Ameen. #Karachi

— Wasim Akhtar (@wasimakhtar1955) January 4, 2018

پاکستان مسلم لیگ (ن)کی رہنما مائزہ حمید نے کہا کہ ہروقت نفاست سے بنی سنوری رہنے والی آپا کی چوڑیاں اور بنارسی ساڑھی انہیں بہت پسند تھیں۔ زبیدہ آپا نے بھرپور زندگی گزاری۔ اللہ تعالیٰ انہیں اپنی جوار رحمت میں جگہ دے، زبیدہ آپا کے کمال ٹوٹکے ہمیشہ یاد آئیں گے۔

#ZubaidaAapa died, Forever young always meticulously dressed at her age loved her chorienan and her banarsi sarees she lived such a “bharpor life ,all dolled up till her last days May her soul Rest In Peace “Zubaida Appa k Kamal Totkay.” http://pic.twitter.com/ew2qq1F2EC

— Maiza Hameed (@MaizaHameed) January 4, 2018

The post زبیدہ آپا کے انتقال پر سیاسی رہنماؤں کی جانب سے اظہار تعزیت appeared first on ایکسپریس اردو.

from ایکسپریس اردو http://ift.tt/2CtfKnp