ترکی، ایران اور انتہا پسند گروپس بدی کی مثلث ہیں، سعودی ولی عہد

قاہرہ: سعودی عرب کے ولی عہد شہزادہ محمد بن سلمان کا کہنا ہے کہ ترکی، ایران اور انتہاپسند گروپ بدی کی مثلث ہیں۔

مصری اخبار کے مطابق دورہ مصر کے دوران میڈیا سے گفتگو میں سعودی ولی عہد شہزادہ محمد بن سلمان کا کہنا تھا کہ ترکی، ایران اور انتہا پسند گروپس بدی کی مثلث ہیں جب کہ ترکی خلافت اسلامیہ کو بحال کرنے کی کوشش کررہا ہے جو تقریباً ایک صدی پہلے سلطنت عثمانیہ کے ساتھ ختم ہوچکی تھی۔

شہزادہ محمد بن سلمان کا کہنا تھا کہ قطر کے ساتھ جاری تنازع مزید طویل عرصے تک جاری رہ سکتا ہے تاہم قطر کو سعودی عرب میں ہونے والی عرب لیگ کانفرنس میں شرکت سے روکا نہیں جائے گا۔

The post ترکی، ایران اور انتہا پسند گروپس بدی کی مثلث ہیں، سعودی ولی عہد appeared first on ایکسپریس اردو.

from ایکسپریس اردو http://ift.tt/2tqMm0W