عدلیہ نے کارکردگی نہ دکھائی تو ریاست کا توازن بگڑ جائے گا، چیف جسٹس

 اسلام آباد: چیف جسٹس پاکستان میاں ثاقب نثار نے کہا ہے کہ عدلیہ نے کارکردگی نہیں دکھائی تو ریاست عدم متوازن کا شکار ہوجائے گی۔

اسلام آباد میں چیف جسٹس پاکستان کی زیرصدارت خصوصی ٹربیونلز اور انتظامی عدالتوں کے ججز کا اجلاس ہوا۔ تقریب سے خطاب کرتے ہوئے چیف جسٹس پاکستان میاں ثاقب نثار نے کہا کہ ججز کو اپنے رویے درست کرنا ہوں گے، انصاف وہ ہے جو ہوتا نظر آئے، آپ کو پوری ایمانداری سے قوم کی خدمت کرنی ہے، آپ کو حقائق پر فیصلے کرنے ہیں۔

چیف جسٹس پاکستان میاں ثاقب نثار نے کہا کہ عدلیہ پاکستان سمیت کسی بھی ریاست کا بہت اہم ستون ہوتی ہے، اگر اس ستون نے کارکردگی نہیں دکھائی تو ریاست غیرمتوازن ہوجائے گی، ہائی کورٹ کا جج ماہانہ 9 لاکھ روپے اور روزانہ کی 40 ہزار روپے تنخواہ لیتا ہے، جب کہ سپریم کورٹ کے جج کی تنخواہ اس سے بھی زیادہ ہوتی ہے، تو کیا یہ ججوں کا فرض نہیں ہے کہ وہ روزانہ اتنے روپے کا کام بھی کریں۔

The post عدلیہ نے کارکردگی نہ دکھائی تو ریاست کا توازن بگڑ جائے گا، چیف جسٹس appeared first on ایکسپریس اردو.

from ایکسپریس اردو http://ift.tt/2rZyD0s